Vun der Schull an hatt ich dich jefresse
Denn mir beide soße zesammen an einem Desch
Dinge Hauch nor spöre, av un zo dich berühre
Irjendwann dann jovs do mir der eetste Kuss
Ejal wo mir wore, ich wor einfach jlöcklich
Ov em Schwemmbad oder zesammen op der Stroß
Jemeinsam laache, immer Bock jet ze maache
Wie ne Draum, dä niemols mih verjeit
Dat, wat mir hatte, jitt et nit off
Vill jelaach un och jezoff
Vun Anfang an wors do en mingem Hätze janz deef drin
Doch et kom su wie et kumme muss
Ne andre Zick un et wor Schluss
Do nohms mich en der Ärm un jovs mir dann ne Kuss
Di Hätz, dat nemm ich einfach met
Ovwohl di Hätz doch janz bestemmp ne andre kritt
Doch eines Daachs vielleich sinn mir zwei uns widder
Ich denk an dich un verjess dich nie
Us de Aure, niemols verlore
Immer widder leefe mir zwei uns üvver der Wäch
Zesamme schwade, mir kunnten uns alles sare
Uns Fründschaff nemmp uns keiner fott
Doch eins, dat weiß ich, do häs mich och nie verjesse
Denn dat Levve hät uns doch zesamme jeschweiß
Vill Johr sin verjange, immer noch jefange
Vun dingem Bleck, dä ich niemols verjoß
Dat, wat mir hatte, jitt et nit off
Vill jelaach un och jezoff
Vun Anfang an wors do en mingem Hätze janz deef drin
Doch et kom su wie et kumme muss
Ne andre Zick un et wor Schluss
Do nohms mich en der Ärm un joovs mir dann ne Kuss
Di Hätz, dat nemm ich einfach met
Ovwohl di Hätz doch janz bestemmp ne andre kritt
Doch eines Daachs vielleich sinn mir zwei uns widder
Ich denk an dich un verjess dich nie
