|
Ich hatt jedaach, et wör för immer
Dat Jlöck, dat ich nit söke moot
Vun janz allein leefe de Dinger
Doch ich han nit jejläuv
Dat et och anders kumme kann
E Levve lang stund ich janz vörre
Doch plötzlich hing ich hingen dran
Op eimol vör verschlossne Dürre
Woher kütt nor dat Pech?
Womet han ich dat bloß verdeent?
Wat es met mir dann bloß passeet?
Ich ben bes ovven hin bedeent
Ich hoff, mi Jlöck, dat es nit lang op Jöck
Un kütt su flöck et jeit zoröck
Dat Pech, wat einen Daach un Naach bedröck
Jehört zom Levve wie dat Jlöck
Üvver mir do stund immer ne Jlöcksstän
Et lief doch alles wie vun selvs
Doch plötzlich dann wor do en Pechsträhn
Denn wä janz ovven es
Dä fällt och mänchmol deef eraf
Dat schwatze Loch kom immer nöher
Ich hätt et beinoh nit jesinn
Wo es mi Jlöck dann nor vun fröher
Eets jetz han ich jeraff
Dat et der Berch och runger jeit
Fass ze spät han ich kapeet
Dat Pech jlich nevvem dem Jlöck steit
Ich hoff, mi Jlöck, dat es nit lang op Jöck
Un kütt su flöck et jeit zoröck
Dat Pech, wat einen Daach un Naach bedröck
Jehört zum Levve wie dat Jlöck
Text: Gerold Ulbrich
Musik: Gerold Ulbrich
Erscheinungsjahr: 2006
|
|
