START BAND SONGS MEDIEN KONTAKT LINKS

Medden en Kölle

Noh der Schull flöck noh Hus, der Ranze en de Eck jeknallt
Jet esse, dann erus op de Stroß, do waaden se ald
Dun Inliner fahre – der Klein, dä fällt op si Knie
Läuf knatschend zor Mamm, sät: „Mamm, dat passeet mer söns nie.“

Jo, su süht et bei uns us
Jo, su süht et bei uns us

Un do der Ahl jeit nohm Bäcker, wie immer nit schnell
Paar Brütcher, jet Kooche un och ne kleine Verzäll
Dann triff hä die Ahl met dem Hungk, die klach im ehr Ping
Un de Mamm met dem Buggy hät och noch ne Hungk an der Ling

Jo, su süht et bei uns us
Jo, su süht et bei uns us

Medden en Kölle an nem Sommernommedaach
Medden en Kölle, do weed jekriesch un weed jelaach
Medden en Kölle schwad mer och, wann mer nit muss
Medden en Kölle, do sin mir ze Hus

Arbeider flecken der Asphalt un et rüch noh Teer
Ne hade Winter trick vill Löcher hinger sich her
De Hetz, die flimmert – op der heiße Asphalt knallt de Sonn
De Inliner-Pänz und der Ahl blieve noch jet ston

Jo, su süht et bei uns us
Jo, su süht et bei uns us

Medden en Kölle an nem Sommernommedaach
Medden en Kölle, do weed jekriesch un weed jelaach
Medden en Kölle schwad mer och, wann mer nit muss
Medden en Kölle, do sin mir ze Hus

Medden en Kölle, welle nie woanders sin
Medden en Kölle, do jehöre mer hin
Medden en Kölle, jo do sin mir ze Hus
Medden us Kölle, do kritt uns keiner erus

Text: Elmar Gievers
Musik: Elmar Gievers
Erscheinungsjahr: 2011