|
927 woods Nyhel do jenannt
Un bes uns all hück bestens als Nehl bekannt
Dat Fescherdörp vun eins, met Boore op de Felder
Dann kom de Industrie, zwei Weltkreje, do woods älder
Un hück bes vun Kölle do e Stöck
Un hück söke mir en dir uns Jlöck
Mir all sin Nehl, sin dat Veedel tireck am Rhing
Mir all sin Nehl, zwesche Clemens un Kathring
Sin jung un ahl, sin ärm un rich, un dat mäht uns us
Mir all sin Nehl, hey Nehl – en dir simmer ze Hus
Uns Pänz jon en de Kitas Christophorus un Kathring
Dann Nesselrode Stroß un Halfenjass, denn och Schull muss sin
De Jroße, die jon morjens op de Arbeit nohm Ford
Un ovends en der Kirchechor oder och nohm Sport
EKG un Hafen un wat noch
Petrikirch, MC Kapell un Schötze hammer och
Mir all sin Nehl, sin dat Veedel tireck am Rhing
Mir all sin Nehl, zwesche Clemens un Kathring
Sin jung un ahl, sin ärm un rich, un dat mäht uns us
Mir all sin Nehl, hey Nehl – en dir simmer ze Hus
Un waade mer och, dat de Schrank endjültig fällt
Hey Nehl, do bes doch för beidse Sigge de Welt
Mir all sin Nehl, sin dat Veedel tireck am Rhing
Mir all sin Nehl, zwesche Clemens un Kathring
Sin jung un ahl, sin ärm un rich, un dat mäht uns us
Mir all sin Nehl, hey Nehl – en dir simmer ze Hus
Text: Elmar Gievers
Musik: Elmar Gievers
Erscheinungsjahr: 2007
|
|
